買入中海油883 (2021.03.19 -- 第33日)

國內三大油公司之一，市值3700億，大型央企。2019年油價係60-70之間時，賺682億，對應發行股數446億，每股盈利:1.53。對應現價:8.4, PE是5.5，PB是0.75，股息分派:0.78，分派比率:50%，股息率是9%。2020年油價跌到媽媽聲，我唔識估，但都應有錢賺。2021年初油價己回到50-60之間。以呢個水平估2021可賺580億，每股盈利:1.3，每股派0.65，息率是7.7%。就咁睇收息都幾好。當然油價可升可跌，呢個係風險也是機會。跟住睇下圖先。

股價係一個底部(7至10之間)的收集型態，距離趨勢線(12)仲有好遠，即有排都不能確認轉勢。買突破的話下次穿10可再試，不過我自己不仲意等買突破,反而中意趁低收集。 最理想當然是貼近7蚊。不過貼近8蚊都照殺,今日買入第一注。

如果過兩天貼近7蚊邊再買第二注。哈哈...其實我炒股咁多年都未試過咁認真。我諗我每次想買野之前就打篇文先，持續下去應該會有進步!!