收錢先: Short Call 長實@47 (2021.03.22 -- 第36日)

由於預期恒指可能係較短時間入面跌破28200的上低位.收息組合決定做出對應的微調，就是提高現金水平. 檢視組合成員，賣出長實可能是最好的選擇. 所以我選擇Short Call 6 contracts of CKA option expiry May strike 47 at premium 3.85, 先收23100。多謝Victor :-)

至於我為什麼這樣做可參考以下兩篇文章. 

最新發現: 恆指不日下挫至26000 (2021.03.21 -- 第35日)

楷弟鉅哥輪住送錢，點做好? (2021.03.20 -- 第34日)

 

後記：太耐冇做過期權，今朝望住個Option Trader Screen幾分鐘，46, 47個行使價都冇bid and ask，好彩有幾個出價閃現，等我可以hit到個bid. 隔左大半個鐘，先醒起request for quote呢樣野。執行力有待提升!

楷弟鉅哥輪住送錢，點做好? (2021.03.20 -- 第34日)

剛剛遇著啱啱，電盈同長實我都有貨。 楷弟係上年10或11月正式用5.2同我買左3199股電盈，(我係揀左賣晒40000股俾佢，但最後只係按比例賣得果3199股) 之後我係4.4買返，即係佢送左2559蚊. 但其實佢係8-9月時就宣佈左件事。當時可能工作太認真，未有空閒細想，其實係我反應慢，呢點不能否認。以加諗返，我應該係5蚊邊係市場上先行賣出10000股先。不全部賣晒的原因是怕佢有後著，之後送更大的厚禮。同埋佢本身用來收息都有7%,持有都不錯。大家可以睇下圖. 

週線圖長期在4-5之間徘徊，好適合炒下波幅，不過要够耐性。

跟住係當時消息剛公佈時的市場反應(日線圖)

今次輪到鉅哥又準備送返小小俾我，按上次經驗佢會用51蚊同我買560股長實(大約8-9%持股比例)。今次我應該點做好? 大家又睇下圖先. 

週線圖顯示長實已轉勢，中長線升的機會應大於跌。但係50蚊附近應有不少阻力。最簡單做法係50附近賣減2000股先，留4500股睇下佢有冇後著，例如私有化? 不過主觀認為一年半載內應該不會有事發生。 另外佢的股息並非吸引，買入佢主要是見上年密密吸貨，跟機小小。 照計有錢賺，是可以一次過賣晒。 心大心細，今個weekend睇下有冇比較好的換馬對象，諗唔到就賣2000股先。希望下星期一佢仲可以企係50樓上俾我賣啦。(又係反應慢)

 

下面就是日線圖，一個２蚊大裂口上去，睇怕返補機會不少。 

歡迎大家留言分享你地的諗法。

後記: 有興趣看我最後到底怎麼做，可以看這篇:

收錢先: Short Call 長實@47 (2021.03.22 -- 第36日)

要贏錢就要違反人性? (2021.03.18 -- 第32日)

大家有冇試過寫過以下的買貨計劃: 當大市跌到某個位，例如恒指26000，就開始買第一注貨，跌到25000點就溝第二注，再跌到24000點就溝第三注，如此類推你預左分6至7注分段溝到20000點, 平均成本在23000左右。但最後即使大市真係跌到20000點，而你的持貨成本却不是23000. 我地試下列出幾種不同的原因，看看大家是不是似曾相識。

1. 首先指數一般不會直線向下，大多數都是在不斷地下跌和反彈之中反覆向下。當你買左第一注，佢就反彈上28000，橫行三個月，跟住穿一穿26000又再反彈上26000樓上，這時你心想呢個位都幾硬浄，可能是底部，所以你又買多注。這個情況在各個不同的位不斷出現，引誘你過早買入。

2. 即使指數一瀉如注好似上年3月咁直線向下，你很順利地買入第一，第二，第三注，第四注，好快又跌到22000，這時你本應買入第五注，但是你開始懷疑個大市可快會跌到18000，甚至16000。不如等到21000時先買第五注啦，之後到左21000時，你望住組合7位數字的帳面虧損，開始不知所措，出現恐慌情緒，就在此時大市見底抽升，但FOMO己經被恐懼取代，你不再會似第一階段般興奮地追入。

以上大概係我在上年3月時的心路經歷，在FOMO階段，我的第一，二，三注都買在26000點左右。在恐懼階段，我的第七注是冇買下去。

大家會點樣去應對類似的FOMO同恐懼心理反應呢? 我自己的做法如下，感覺上不多違反人性，不過會衍生其他不同的問題。 

1. FOMO或恐懼時(人性/心魔出現時)，理智寫篇估值的Blog文

2. 價格和理智估值相差5%之內，就順應人性 (FOMO或恐懼)

3. 不過每次注碼要够細 (想像自己可以買够10注，甚至20注)

4. 同時預期持貨時間長過1個月或以上 (避免做太短的買賣)

5. 限制每月做買賣次數，超過5次就要停 (人性/心魔在這個時候都無情講) 

6. 保有至少10-20%的後續購買力

7. 無股是非買不可的，無股是必勝的。

學習看公司年報 (2021.03.15 -- 第29日)

自己炒股票都有二十年以上，說來慚愧，從未看過公司年報，也不懂從何看起。 當然也因此年年都要交點學費。 2018年睇到網友Forest兄以股息建構一年12個月的被動收入。 

http://forestcapitalholdings.blogspot.com/

我也以此開始慢慢建立一個以股息收入為主的投資組合，中間有不斷優化， 但這幾年組合表現強差人意，不過自己感覺好踏實。 好多謝Forest兄網誌之啟發，可惜現時己不能再時時閱讀Forest兄之文章及功課。倍感可惜！學懂看年報多了解自己投資的公司，是我未來必須學習的一門功課。 

感覺踏實的股息收入

2019年: 110,816

2020年: 164,579

2021年: 只會增加不會減少,因近期再加入不少股票

感覺好難捉摸,分分鐘都係度變動的組合帳面虧損在這一刻是188,903。要不是近一個月傳統收息股大幅反彈，組合帳面虧損一度超過500,000。 縱使如此，組合三年的金錢回報都只是86,492 (110816+164579-188903)，仲衰過將錢放係Mortgage Link入面。 

由此可見這幾年投資收息股是幾咁令人沮喪，話雖如此，我仍然會堅持下去，因為收到股息的感覺真係好爽，好實在，當然如果帳面能錄得盈利既話就更好啦，但是後者並非投資者可以控制，只能相信長線投資同均值回歸。我擔心的風險反而是未來有一日突然有個打巴仔話香港要收股息稅，咁就真ＰＫ啦。你收十萬，佢要收你三萬，咁就收皮啦。 

最後希望Forest兄能繼續分享！如果是因為介意Hater言論的話，大可以只邀請志同道合的人。 呢度就有一個忠實鐵粉。 

恒生指數分析 (2021.03.13 -- 第27日)

人到中年,上有高堂,下有妻兒,要能够每天係工餘時間都抽時間出來堅持寫blog記錄我為不久將來公司關門,而自己可以實現網上賺錢而無須再打工的準備過程. 真係不容易.即使今天是星期六，我都差一點兒做不到。無論多少，即使只係一分鐘，每天都要做，最重要是不間斷!!承上日想法,我對股市賺錢方法有興趣,我的youtube內容就朝這個方向去.坐言起行,今日拍左條關於恒生指數的短片(2分半鐘)如下:

https://www.youtube.com/watch?v=EOmQlmn22rY

非常粗疏,主要是分享我對現市況的主觀看法同佈署,其實冇乜理性分析. 以後每個週末都可以拍一條類似的短片,希望下個星期能有進步. 

學做youtuber (2021.03.12 -- 第26日)

今日工餘時間，即刻上youtube睇下點去做youtuber。 看了較多的是小船同張一本的youtuber. 其中一條片講到可以剪貼免費音樂，圖片，然後合成新片。 

https://www.youtube.com/watch?v=-ZDO6BfBTMs

我聽後有點心動，一邊睇一邊學即做一條片放上去。 

https://www.youtube.com/watch?v=ckYFXEGQgNI

最後想想這個方法是絶對沒有機會取得成功， 因為我沒有方法保證作品的水準以及一致性。 所以做內容一定要找到自己有興趣，或擅長的領域才可以。 或者這就是為什麼youtube上這麼多人教人網上創業，網上賺錢的方法。 因為對於如何賺錢的方法，相信係大部人都會覺得有興趣的，同想深入研究的領域。 

 

我對如何從股市賺錢的方法一直都很有興趣，或者我應該從這方面去找內容，做內容。 那這個星期六日就拍一條如何從股市賺錢的方法論吧. 

從心出發

2021年農曆假後(2021.02.16),公司宣布撤出香港.原本以為可以做到退休的工作,眼看再過一年半載就要消失風雨中. 四十幾先要重新出發,今日想用這個BLOG記錄自己再出發的心路. 

如果可以好似R兄就此退下,那該有多好呀.

http://rmylife1987.blogspot.com/

 

預計2021年股息年收入只佔現時主動收入的30%左右, 買盡都係40%, 退下來是不可能的. 距離被通知己過了25天. 我才開始面對現實,開始準備,行動力真係差勁. 我會鞭策自己, 每日寫一篇blog來記錄自己每天為這個計劃做過什麼直至公司正式關門. 

工作了二十幾年,都係散仔一名,我真係不喜歡再去打工啦.但是我可以做什麼賺錢?

1. 做youtuber

2. 網上賣野

3. 炒股票

4. 返去揾工 <==無限loop.. 

努力先試１， ２，３，最後真係唔掂，先去做４吧。