最新發現: 恆指不日下挫至26000 (2021.03.21 -- 第35日)

這篇是我每週恒指update及mpf部署的系列文章。上一篇文我狗估今年恆生指數有70%機會係28000點到33500或以上，同時亦即係話有30%會喺28000到21000點或以下。換言之我睇好但亦提醒自己有另一相反走勢的可能性。

今日我哋就再update下最新嘅恆指走勢同我相應的mpf部署. 如下圖,如果我們仔細去看每天恒指升跌同成交金額的話,留意藍色框起的日子,指數下跌伴隨高成交金額.即是俗稱派貨的日子在最近兩個月內出現左10次,代表大戶係29000樓上派貨. 另外一點恆生指數喺呢兩個禮拜入面雖然好似冇升冇跌，係29000上下窄幅波動，但係再觀察埋整個大市的上升股份數目對比下跌股份數目（圖表下方的紅線)，在這兩個星期裏面己經開始下跌，並且跌破對上低位。 即係話整體大市其實下跌的股份越來越多，只係恒指表面仲係29000左右，還未跌破對上低位28200。 即然大戶在29000派貨，而整體大市亦己率先跌破上次低位。那麼合理推斷恒指這個浪可能要調整到26000,甚至25000？ 

現時我的ＭＰＦ帳戶有６成恒指基金，４成保守基金。 基於以上最新的觀察，如果今周恒指維持於29500位置，我會將恒指基金下調至５成。 而我只會係恒指回調到27500才會開始再次上調恒指基金佔比。 

至於我的主力收息組合又會如何應對呢？有興趣可以看以下這篇:

恒生指數：睇淡唔做淡？ (2021.03.23 -- 第37日)

最後戴下頭盔：股市裏什麼都可能發生，大家要有兩手準備同量力而為，而我保留執不執行，和什麼時候執行上述計劃的最終權利。